Ito ang panahon ng maraming pagkamatay at muling pagkabuhay.

Bagong sim card. Nireformat na PC. Literal na pangalawa at panibagong buhay. Bagong karir. Bagong mga pangarap at plano. Bagong pagtingin sa mga bagay. Mga relasyong back to zero. Mga taong kailangang pakawalan. Mga pantasyang dapat bitawan. Mga bagay na dapat tapusin at simulan. Mga taong ngayo'y dapat akapin at tanggapin. Panibagong kadena ng panahong bibilangin.

Siguro kailanma'y hindi ako magiging ganap na handa upang sabihing ako'y handa na sa lahat ng mga pagbabago. Pero gayunpaman, tinatanggap ko.

Subalit isa lamang sana ang hihilingin ko bago ako magpatuloy sa muli kong pagkabuhay, sana pahintulutan muna akong magluksa para sa sariling kamatayan ko.