Tentenenen! - dahil mahilig lang talaga akong magdrowing sa Paint. Ganyan na ang magiging hitsura mo 'pag kulot ka na. Perfect! Ay kaso nakalimutan kong lagyan ng shades para maangas. Nextaym na lang. Hehe.

Hindi lamang nararapat ipagdiwang ang kaarawan ng isang minamahal dahil ginugunita natin ang kanyang pagkaluwal dito sa mundo; ito rin ay marapat na maging isang pagdiriwang ng ating pagkaluwal sa mundo - ang pagsilang ng bawat bahagi ng ating sarili ng dahil sa kanya. Ang pagdiriwang ng kaarawan ay isang paggunita hindi lamang ng pagkakaiba-iba ng bawat isa sa atin at ng pagpapahalaga natin sa mga pagkakaibang ito kung hindi isang paggunita rin ng ating pagkakaugnay-ugnay sa isa't-isa at ng ating pagkakapareho.

Naging/nagiging makabuluhan para sa akin ang kaarawan mo dahil ginugunita ko rin ang pagsilang ng maraming mahahalagang bahagi ng aking pagkatao dahil sa'yo. Sana'y maging/naging/nagiging makabuluhan din siya para sa'yo.

Salamat, Jane sa lahat.