Isang susi

Puwedeng susi lang sa gate, hindi pa nga susi mismo sa pinto ng bahay.
Puwedeng susi lang sa bahay, pero hindi pa mismo sa puso at isipan ng mga nakatira dito.

Alam kong mahaba-haba pa ang lalakarin ko at marami-rami pa ring susi, maliban sa susing hawak ko ang kailangang mapasaakin para ganap akong makapasok. Pero hindi ako napapagod. Mabuti nga ngayon may kapangyarihan na akong pumasok kailan ko man naisin, hindi tulad dati na kailangan ko pang kumatok at palaging mangambang baka hindi na ako papasukin.


Ang isang susi ay katumbas ng pag-unawa, respeto, tiwala at pagiging bukas - pagmamahal.
Asahan mong/ninyong hindi ko ito iwawala.