Check.

1. Ang pinapangarap kong organizer na may kulay pulang cover - fresh from a balikbayan box na noong 2000 pa sinimulang punuin ng aking butihing tita sa Australia. Sana siya na lang ang laman ng balikbayan box.

2. Isang ponkan na ponkan sa ka-orange-an na knee-length skirt - fresh from UK (ukay) sa DV (Divisoria). P80 lang at isang oras na paglalaba ang nakayanan ko.

3. Boses na pamilyar ngunit malamig, malayo - putol-putol kong naririnig sa kabilang linya isang gabi. Hindi pa rin ako nasasanay kahit labintatlong taon nang ganoon.

4. Mga kapamilya, kaibigan, kasintahan, maging ang sariling nag-eempake gabi-gabi - dahan-dahang lumilisan kahit hindi naman talaga dahil sa sariling kagustuhan.

5. Sarili kong bayang inagawan ng pangalan at kasarinlan - hindi niya ito ginusto kaya siya ay patuloy na lumalaban.