Para kay Jonas Joseph Burgos

Isang Bukas na Liham ni JL Burgos sa
kapatid niyang si Jonas Joseph Burgos

(Ang liham na ito ni Jose Luis Burgos
kapatid ng dinukot na si Jonas Joseph
Burgos ay nakapaskil kasama ng kanyang
larawan sa mga poster na makikita sa
mga pader, poste, kubeta at waiting
sheds sa Quezon City. Nagbabakasakali
ang kapatid ni Jonas na maantig ang
damdamin ng mga may pakana ng kanyang
pagkawala.

Pakiusap: magtulong-tulong po tayo na
ipalaganap ang mensaheng ito ni JL sa
kapatid nyang si Jonas. )




“Naalala mo nung kinulong si erpats, di
natinag ang pamilya. Ngayon sa krisis
na hinaharap natin lalong di matitinag
ang pamilya. Huwag kang magalit na
kinukwento namin sa mga kaibigan ang
pagkain mo ng tutubi, ang pagiging
pasaway mo nung bata ka pa. Kasi
kailangan nilang malaman na tao ka at
di hayop tulad ng mga dumukot sa ‘yo.

Gusto ko lang sabihin sa ‘yo na tibayan
mo ang loob mo. Tandaan mo na ang iyong
paniniwala at paninindigan ay para sa
nakararami. Mas mahusay at matapang ka
sa mga may hawak sayo. Mga duwag at
traydor ang dumukot sayo.”