Masarap kaya ang ulap?
Napatingin ang babaeng puta. Nasasalamin sa mga mata ng babaeng puta ang matagal nang paghihintay, pagkapagod ngunit ng katawan lamang at itinatagong pagkaligaw.
Napatingin ang babaeng puta sa gawing kanan niya dahil may batang lalaking tumuturo sa kanya. Hindi niya makalimutan ang babaeng puta dahil siya ang kumalong sa kanya kahit may kabigatan siya – sa loob ng dyip kahit hindi sila talaga magkakilala.
Kumaway ang babaeng puta sa batang lalaking alam niya ang pangalan ngunit hindi siya kilala.
Napatingin ang babaeng puta sa gawing kaliwa niya dahil may dalawang matang kanina pa pala siya pinapanood. May konting alaala ang mga matang iyon sa kanya; nakikilala nito ang mga ngiti niya pati na rin ang mga bakas ng mga itinatago niyang hinanakit sa ilalim ng tanghali.
Nagtangka ring salubungin ng mga mata ng babaeng puta ang mga matang hindi naman gaanong estranghero sa kanya
Subalit umiwas ang mga mata.
Kung sa bagay, hindi rin naman talaga nito siya kilala.
Napatingin ang babaeng puta sa kanyang harapan dahil may isang pares ng mata rin ang kanina pa nakikipagpatintero sa kanyang mga mata. Sinisilip siya nito, tinatawag sa pagitan ng mga dikit-dikit na katawan. Subalit hindi naman siya kinakausap.
Ang totoo, magkakilala sila ng babaeng puta.
Subalit mas pinili ng mga matang itong manatiling hanggang doon na lang ang kanyang pagkakakilala sa kanya.
Muntik ng mapatingin ang babaeng puta sa gawi niyang kaliwa dahil may isang hindi rin kaibigan, hindi rin naman estrangherong kumukuha ng larawan niya. Subalit kahit na nararamdaman niya sa kanyang tagiliran ang pagkutitap ng flash ay minabuti na rin niyang huwag tumingin.
Ayaw lang naman niyang maikahon pa pati sa larawan ang kanyang pagtitig;
pagtitig na tunay namang malaman ngunit walang napagsasabihan.
Maraming tumitingin ngunit ayaw namang makipagtitigan.
May mga nakikipagtitigan ngunit wala namang makita.
May mga nakakakita ngunit wala namang maintindihan.
*
Ngayon pa lang natututunang mahalin ng babaeng puta ang kanyang pangalan, subalit tila wala namang interesadong ito ay malaman.
Napatingin ang babaeng puta sa gawing kanan niya dahil may batang lalaking tumuturo sa kanya. Hindi niya makalimutan ang babaeng puta dahil siya ang kumalong sa kanya kahit may kabigatan siya – sa loob ng dyip kahit hindi sila talaga magkakilala.
Kumaway ang babaeng puta sa batang lalaking alam niya ang pangalan ngunit hindi siya kilala.
Napatingin ang babaeng puta sa gawing kaliwa niya dahil may dalawang matang kanina pa pala siya pinapanood. May konting alaala ang mga matang iyon sa kanya; nakikilala nito ang mga ngiti niya pati na rin ang mga bakas ng mga itinatago niyang hinanakit sa ilalim ng tanghali.
Nagtangka ring salubungin ng mga mata ng babaeng puta ang mga matang hindi naman gaanong estranghero sa kanya
Subalit umiwas ang mga mata.
Kung sa bagay, hindi rin naman talaga nito siya kilala.
Napatingin ang babaeng puta sa kanyang harapan dahil may isang pares ng mata rin ang kanina pa nakikipagpatintero sa kanyang mga mata. Sinisilip siya nito, tinatawag sa pagitan ng mga dikit-dikit na katawan. Subalit hindi naman siya kinakausap.
Ang totoo, magkakilala sila ng babaeng puta.
Subalit mas pinili ng mga matang itong manatiling hanggang doon na lang ang kanyang pagkakakilala sa kanya.
Muntik ng mapatingin ang babaeng puta sa gawi niyang kaliwa dahil may isang hindi rin kaibigan, hindi rin naman estrangherong kumukuha ng larawan niya. Subalit kahit na nararamdaman niya sa kanyang tagiliran ang pagkutitap ng flash ay minabuti na rin niyang huwag tumingin.
Ayaw lang naman niyang maikahon pa pati sa larawan ang kanyang pagtitig;
pagtitig na tunay namang malaman ngunit walang napagsasabihan.
Maraming tumitingin ngunit ayaw namang makipagtitigan.
May mga nakikipagtitigan ngunit wala namang makita.
May mga nakakakita ngunit wala namang maintindihan.
*
Ngayon pa lang natututunang mahalin ng babaeng puta ang kanyang pangalan, subalit tila wala namang interesadong ito ay malaman.
0 Comments:
Post a Comment
<< Home