Log-out. Turn-off. Restart.

Minsan may mga isinulat (o naisulat) na kailangan ding burahin. May mga sugat na kailangang gamutin; mga bahagi ng sariling kailangang muling tipunin.

Pero minsan kinakailangan mo itong gawin nang palihim; sa pagitan ng bawat pagkurap at pagbuntunghininga ng bawat isang nasa paligid mo. Minsan mas mabuti ang hindi magpaliwanag; ang hindi magpaumanhin. Minsan mas mabuting iwanan na lang na nakabitin ang lahat at hayaan itong hilahin pabalik at tupiin ang kanyang sarili.

Minsan mas mabuting huwag nang suriin ang lahat at magpanggap na lamang na walang kahit anumang naganap.



*


Ano nga kaya ang dahilan kung bakit ang isang tula ay hindi magawa-gawang wakasan?