Halalan 2007

"Payapa lamang ang halalan dahil takot ang mga tao na magsalita."

- Jennylyn Norzales, poll watcher ng Genuine Opposition Catanuan, Quezon


*


2 poll watcher ng Kabataan Party dinukot, pinatay
Nadezhda L. Tañola

Kinondena ng Kabataan Party-list ang gobyernong Arroyo at mga elemento ng militar matapos matagpuan noong Mayo 16 ang bangkay ng dalawa nilang miyembro at tumayong poll watchers sa katatapos na halalan.

Kinilala ni Raymond Palatino, presidente at unang nominado ng Kabataan Party-list, ang dalawang biktima na sina Jun Bagasbas, 20 taon, ng Ulipanan Jose Panganiban at Ronilo Valleverde, 16 taon gulang ng Brgy. Old Camp Cappalonga. Natagpuan ang bangkay ng dalawa sa may hanggang ng Barangay Mataqui at Catabanguangan, Cappalonga.

Dinukot ang dalawa noong Mayo 15 sa Capalonga, Camarines Norte. Papauwi na ang dalawang biktima matapos maghatid ng pagkain sa mga volunteer ng Kabataan nang harangin at puwersahang kinuha umano ng mga sundalo sa kalapit na Kampo.

Noong Mayo 16, nagpalabas ng pahayag ang mga sundalo na napatay diumano ang dalawang biktima sa sagupaan sa pagitan ng mga militar at ng NPA (New People's Army) noong Mayo 15.

Nanawagan ng Kabataan Party- list sa Commission on Elections na kagyat na imbestigahan ang pamamaslang sa kanilang dalawang poll watchers at kasapi.

Maglulunsad ang grupo ngayon hapon ng indignation rally sa Comelec para kondenahin ang walang habas na pamamaslang sa mga kasapi ng progresibong mga party list.

www.pinoyweekly.org